الرئيسية / كلمات أغاني / كلام الست / كلمات أغنية هو صحيح الهوى غلاب لأم كلثوم

كلمات أغنية هو صحيح الهوى غلاب لأم كلثوم

كلمات: بيرم التونسى

ألحان: زكريا احمد

هو صحيح الهوى غلاب معرفش انا
والهجر قالوا مرار وعذاب واليوم بسنة
جاني الهوى من غير مواعيد
وكل مدى حلاوته تزيد
ما أحسبش يوم ح ياخذني بعيد
يمني قلبي بالأفراح
وارجع وقلبي كله جراح
إزاي يا تري؟
أهو ده اللي جرى!
وانا معرفش
***

نظره وكنت أحسبها سلام وتمر قوام!
أتاري فيها وعود وعهود وصدود وآلام!
وعود لا تصدق ولا تنصان
عهود مع اللي مالوش أمان
وصبر على ذله وحرمان
وبدال ما اقول حرمت خلاص
أقول يارب زدني كمان
إزاي يا تري؟
أهوه ده اللي جرى!
وانا معرفش
***

يا قلبي آه
الحب آه
أشجان والم
واندم واتوب
وعلى المكتوب
ما يفيدش ندم
يا ريت أنا أقدر أختار
ولا كنت اعيش بين جنة ونار
نهاري ليل وليلي نهار
أهل الهوى وصفوا لى دواه
لقيت دواه زود في أساه
إزاي يا تري؟
أهو ده اللي جرى!
وانا معرفش

اترك تعليقاً