comet hitting earth

كما لو كنا بذرة لحياة أخرى!

الآن أود البوح بفكرة ما .. وخلوني أثق في قدرة القاريء على التخيل وهي الدافع الي هيخليني اكتب الآتي

الحياة أقدم بكثير من عمر كوكبنا الأرض، إحنا بس أكتشفنا قريب جداً مدى تقديرات أول نشأ للحياه على كوكبنا، في حين إن الفترة الأخيره من إكتشافنا للمركبات العضويه على الذنبات و الكواكب الأخرى كالمريخ يديني فرصه لتحجيم خيالي و قولبته في قالب علمي …

أينعم الإنسان و هو المحتل لقمة هرم و شجره الكائنات بدأ بنشأ وحيد الخلية و تطور لحد ما وصل لشكله الأن . لكن منين جه أول مركب عضوي

كلمة السر هي الزمن، الكون كله من حوالينا في حاله صخب وغضب و إنفجارات، وكلما تعاظمت الأجسام كلما تباطأ زمنها و بالتالي إحنا بنشغل حيز من الزمن ممتاز لملاحظة كل ماهو فوق و كل ماهو تحت أي فوق على مستوى أجرام سماويه عظيمه كالمجرات و تحت اي كل ماهو تحت ذري حيث يتناهى الزمن في الصغر كلما تناهت الكتلة في الصغر .

الحياه موجوده في كل الكون و لما بتنتهي من مكان سرعان ما تبدأ في أخر لو كوكب الأرض ضربه مذنب و فجره تماماً و ده الي بيحصل تقريباً كل ٥٠٠ سنه بس مش تفجير كامل يعني، الي هيحصل ان جزيئات المركبات العضويه هتسافر في الكون زي حبوب اللقاح و كل كوكب و كل مذنب و كل قمر له ظروف ملائمه او غير ملائمه شرط ان المركبات العضويه تتكيف عشان يحصل اول انتاج لبروتينات الحمض النووي الي هي بتبدأ الحياه .. ساعتها الحياه هتستمر و تنتشر و تتكاثر، عدم ملاحظتنا لده راجع لسببين هو لاننا بنشغل جزء بسيط جدا جدا من الزمن في مقدار اجمالي زمن مجره تبدأ و تنتهي و لأن المسافات شاسعه جداً بين الأجرام السماويه فملاحظتنا محبوسه بين الفروقات الزمنيه و الفروقات المسافية !

الحياه عباره عن حبوب لقاح و كل جرم سماوي هو عباره عن زهره تنتظر المركبات العضوية

كوكب الارض كان كده لحد ما جائت له الحياه من ارتطام مذنبات تحمل مركبات كيميائيه عضوية و في ظل ظروف مساعده كان اول بروتين يتكون عشان يكون عندنا تلات بروتينات و اربعه بين الحمض النووي الريبتوزي منزوع الاكسجين و هو الدي ان ايه و الاخر الار ان ايه .. و هنا اتكون اول بذره للحياه الي بعد كده بقى شكلها معقد بخلق جدار خلوي و عمليات الانقسام و كل ده بيدخل فيه عوامل كتيره تحتاج لازمنه مهوله عشان يبدأ يكون عندنا اول سرخس و اول طحلب.

من المؤكد اننا مش لوحدنا ف الكون و اننا اقرب لبعض بمقدار قربنا لمركبات اجسامنا الاولى منا لبعض، الخلاف العقيم الدائر بين قربنا بايولوجياً مع ثمره بطاطس يبطله بالضروره استفادة اجسامنا من نفس ذات الماده الاوليه لحبايه البطاطس و هي نفس ذات المواد الاوليه الي بيتكون منها اجسامنا و بيحتاجها لتصنيع ما هو اعقد بتحويل النشا لسكر و طاقه ..

هيكون خلاف اقل عقماً لما نكتشف اشكال للحياه في الكون تشترك معانا في الدي ان ايه بمقدار و لو قليل و لكن هو نفس التقسيم الهندسي الاولي كما اتخيل

لربما لن يعيش الانسان فترة اكثر من ٥٠٠ مليون سنه و لكن من المؤكد انه هيكون جد لكائن اخر في طرف اخر من الكون لل٥٠٠ مليون سنه التي تليها !

كما كنا نحن عباره عن أحفاد لكائنات اخرى بأشكال لا يمكن تخيلها

تحياتي

عن سليم أبو بكر

سليم أبو بكر
مجرد دودة قراءة أخرى

شاهد أيضاً

سارة حمدي تكتب: أبيض وألوان وأسود

كان المدخل مفتوحًا ويسهل لأي شخص الدخول. وقفت أمام الباب وفتحته ثم دخلت. وجدت أناسًا …

اترك تعليقاً