الرئيسية / رأي / دروس في شغل الـ media

دروس في شغل الـ media

 

مايكل شنودة فيسبوك
من ضمن الدروس اللي لازم نكون فاهمينها في شغل الميديا
– #حقوق_الملكية_الفكرية
– #حق_الإبداع
– #حقوق_استخدام_المحتوى
تلات نقط رغم بساطتهم إلا إنهم بيعبروا عن مبدأ مهم قبل ما يكون الأمر بيلمس شغلنا بشكل كبير
مقدمة لابد منها:
إنك تمتلك أخلاق وتنسب الأعمال لأصحابها وتستأذنهم – في أي محتوى هتنشره، ده في حد ذاته احترام لنفسك قبل غيرك .. عشان ميجيش اليوم اللي تلاقي على شغلك جملة ” Unknown Source – Unknown Artist ” – غير معروف المصدر
بجانب إن فكرة #سرقة أي محتوى على الانترنت وانتسابها لشخصك، هي عار قبل أي حاجة.
نخش في الموضوع الأساسي: محتوى الانترنت بين المشاع وحق الابداع
* أخطاء شائعة في الاستخدام
نظرًا لعملي، فبتعرض لشغل كتير بيكون مسروق من ناس تانيين، أو على أقل تقدير لو تم انتساب الأعمال لأصحابها، لكن مش بنلاقي ما يُثبت إن المُبدع سمح بإننا نستخدم شغله. وهنا الأزمة!
فيعتبر انتهاك حق ملكية وإبداع الأفراد أو المؤسسات كما يلي:
– عدم الاستئذان أو وجود ” ورقة مكتوب فيها أو تسمح بحق الاستخدام ” للمحتوى ( مكتوب – مسموع – مرئي )
وده اللي بيحصل بشكل كبير خاصة فيما يخص شاشات التلفزيون والمواقع على شبكة الانترنت
– وضع علامة تُفيد أو تُشير لصاحب العمل دون استئذانه، تمثل انتهاكًا.
لأنك ببساطة مرجعتش له وقلتله ” ممكن أستخدم المحتوى ولا لأ؟! وعليه تبقى اسمها ببساطة سرقت محتواه.
– دخول بعض الأدوات ” كخطوط أو شعارات أو موسيقى أو أي مادة أو محتوى داخل عمل تقوم به انت – دون الإشارة مُسبقًا للمادة دي إنها مشاع وانت بتاخدها عشان تستخدمها .. انتهاك
طيب .. بنلاقي الناس ردها على شغلنا في السوشيال ميديا كالتالي: يا عم ما هو مغرق النت كله ومحدش بيقول لحد حاجة والدنيا ماشية؟
للرد: هرجع أشاورلك تاني على ” الأخلاق اللي عندك أهم .. ثانيًا الجزء اللي انت مش بتشوفه ولا هتشوفه إن الموضوع بالنسبة لك مجرد مادة على الانترنت وتتنشر وبوست وخلاص
بس هوريك شوية أمثلة نتيجة استخدام محتوى خاص
– #روتانا قدمت لادارة #اليوتيوب بلاغ في قناة #عمرو_دياب لانتهاك الأخيرة حقوق الملكية .. شوفت يا مؤمن .. رغم إن اللي بيغني هو عمرو نفسه . بس حقوق النشر مع مين؟
– حذف صفحة #الحياة و #حسام_غالي بسبب نشر فيديوهات أجوال #الدوري ..
– طيب خبطة في قناة النهار بعد ظهور صورة ملك حد في خلفية مشهد ورا #ريهام_سعيد .. والنتيجة ” الحذف لانتهاك حقوق الملكية “
دي شوية من حاجات كتير بتحصل .. هل عندك استعداد تتحمل مسئولية فقدان ” قناة يوتيوب أو صفحة أو حساب بالكامل عليه كل شغلك بسبب إنك مش عايز تستأذن ” ورقيًا ” صاحب العمل؟
الموضوع مش شائك على أد ما هو محتاج منك أمانة وفهم.
أمثلة للمحتوى اللي ممكن يسبب انتهاك ” أي محتوى أصلاً يعمل كدة طالما مش منك “
– الصورة ” حتى لو في الخلفية وبعيدة أو صغيرة ”
– الصوت ” موسيقى – أغنية – تأثيرات – تعليق – صوت من نص درامي .. إلخ ”
– الفيديو ” مهما كان حجمه ولا شكله في الكادر اللي ظاهر “

عن مايكل شنودة

مايكل شنودة
خريج كلية الآداب قسم صحافة - جامعة حلون. متخصص في التسويق الإلكتروني، شغفه التدوين والتصوير

شاهد أيضاً

26 مبدأ للسوشيالجية

1 – إن ‪#‎SocialMedia‬ شغلانة مهمة – ومش مجرد ‪#‎Facebook‬ , ‪#‎Twitter‬ , ‪#‎Insta‬ 2- …

اترك تعليقاً