الرئيسية / رأي / الـ “‫‏هيبتا”‬ المصري ..
مايكل شنودة - مدون ومصور

الـ “‫‏هيبتا”‬ المصري ..

مايكل شنودة - مدون ومصور
مايكل شنودة – مدون ومصور
– المرحلة الأولى ” إعجاب بالشكل أو الهزار – وتعارف “إن شاء الله يعني “
سيبك الشخص الكئيب مش بياكل أوي مع الطرف التاني – أحيانا الولد بيشوف البنت الجاد سكسي حبتين خاصة لو بنضارة كبيرة على وشها
  • المرحلة التانية ‫‏رغي
    في البداية .. بيتكلموا .. بيزودوا كلام .. بيرتاحوا فيرغوا أكتر .. ينتقدوا ويؤمنوا ويلحدوا ويعاكسوا ويشتموا ويطبطوا ويعيطوا ويهزروا ويشجعوا ويكسروا سوا سوا …!.!.!
  • المرحلة التالتة ملل‬
    طيب .. حالة ملل .. زهق .. من كتر ما عرفوا مصايب بعض .. وعرفوا تفكير بعض .. معندوش جديد .. مش بتطور من نفسها .. حياتنا هتبقى كدة !!
  • المرحلة الرابعة ‫‏خيالات‬
    دي مرحلة خطيرة – واللي بعتبرها أهم المراحل عمومًا .. لأن فيها بيتم تحويل الطرف التاني من شخص شايفه لشخص افتراضي وبتخيل صورته في حاجات كتير .. الأزمة بتبدأ لما بتورط وأنحصر جوة الخيالات دي .. لأننا ساعتها بنترجم كل اللي بيحصل وفق الخيالات دي .. واللي بتخلينا ناخد قرارات ممكن نندم بسببها طول حياتنا بجد !
  • المرحلة الخامسة قرارات‬ صادمة وحياة مضطربة
    هنا القرار بيكون نتيجة الخيال أو رفض الخيال نفسه .. يعني ممكن أكون بتخيل ومن كتر ما أنا غرقان في التخيلات المريضة دي – من شدة الحب ساعات – بقع فريسة قرارات غاضبة لتفسيرات غير حقيقية .
    أو القرار برفض الخيال … وهنا بتحصل مرحلة النزاع ما بين خيال – غالبًا مريض – وبين الواقع اللي بيتمحي مع وسائل التواصل عبر الإزاز والحديد الالكتروني – وده الأصعب .. على الاطلاق ..
  • المرحلة السادسة الرمادي‬
    اللي بتبدأ تفكر فيها عن ‫‏المستقبل‬ وتسأل أسئلة بتشوفها أحيانا عبيطة .. بس بتلح جواك مهما بعدت أو قربت زي
    * هو هيكون /هتكون سعيدة فعلاً معايا؟
    * مش كدة بضيع مستقبلها مع واحد/ة زيي؟
    * هينفع نكمل كدة وهي/هو لسه فيه الحاجات دي؟ … إلخ من أسئلة شكلها عبيط .. بس بترغي لوحدها جواك
    والحقيقة هنا مستوى تاني في الموضوع وهو هل أنا عايز ادخل رحلتي وأكلمها ولا أنا من الناس اللي بتزهق من اللعبة وساعتها فعلاً بتوصل لمرحلة الطفولة في القرار اللي هتاخده/هتاخديه .. لأن الأمر بيكون داخل في منطقة ‫‏رمادي‬
  • المرحلة السابعة ‫‏الثبات‬
    ودي المرحلة للي بيقرر فيها الطرفين يتقابلوا بجد .. يتكلموا بجد .. يشيلوا أي إحراج أو حواجز .. وياخدوا خطوات لـ ‫‏بداية‬ المشوار .. ويبدأوا يرسموا – ويشتغلوا – على الأرض .. ويوقفوا أي كلام جد أو اختلافات بينهم على السوشيال ميديا والفون .. ويحسموا كل الأمور اللي سابوها متعلقة .
  • المرحلة الثامنة .. المشوار‬
    ودي المرحلة الأخيرة في الهيبتا المصري .. واللي بيقرر فيها الطرفين – بعد إدراك ووعي – إنهم داخلين مرحلة جديدة جدًا .. اللي فيها بيكون زي الطفل قدام مامته عارفة كل تفصيلة فيه في عقله وجسمه وحركاته واسلوبه ومش مستنية كلام منه عشان تعرف أي حاجة .. المرحلة دي .. العظمة كلها أصلاً
بس كدة

عن مايكل شنودة

مايكل شنودة
خريج كلية الآداب قسم صحافة - جامعة حلون. متخصص في التسويق الإلكتروني، شغفه التدوين والتصوير

شاهد أيضاً

المزحلقات.. إلى أين تأخذنا الثقافة الجنسية؟!

انتشرت المواقع والصفحات التي تشرح طرق الاستمتاع بممارسة الجنس،  وفوائد التقبيل وأوضاع الممارسات …إلخ، وهي …

تعليقات