الرئيسية / كلمات أغاني / كلام الست / كلمات أغنية غلب أصالح في روحي لأم كلثوم

كلمات أغنية غلب أصالح في روحي لأم كلثوم

كلمات: أحمد رامي
ألحان: رياض السنباطي  
الموزع الموسيقى: رياض السنباطي

غلبت أصالح فى روحى عشان ماترضى عليك

من بعد سهدى ونوحى ولوعتى بين إيديك

صعبان على اللى قاسيته فى الحب من طول الهجران

مااعرفش إيه اللى جنيته من بعد مارضيت بالحرمان

فضلت أقول الزمان غير على البعد حالك

وإلا الرضا بالهوان كتر على دلالك

وانا اللى أخلصت ف ودى وفضلت طول العمر امين

ياخد الزمان منى ويدى وقلبك أنت عليّ ضنين

كنت أشتكى لك أيامى اشكى لمين ظلمك لى

وكان رضاك نور أحلامي لما الزمان يقسى عليّ

صبحت أشكى منك لروحى وفضلت أخبي عنك جروحى

وبعدت عنك والفكر كان دايما وياك

والقلب منك غضبان فى دنيا الحب معاك

مجروح وضامم جناحه على الجراح اللى فيه

الليل يردد نواحه طول ما أليفه مجافيه

لما الزمان اللى غدر به بعدك وكنت نديم شكواه

رماك وجه السهم فى قلبه عطف عليك والوجد ضناه

حتى الزمان اللى كان عطفك يعينّى عليه

خلانى أرضى الهوان واسلّم الروح إليه

واسأل عنك والقلب كان غضبان منك

واحمل همّك وانا اللى طول بعدي ماهمّك

وأبات أصالح فى روحى عشان ماترضى عليك

وانسى سهادى ونوحي ولوعتي بين إيديك

عن سحر علي

شاهد أيضاً

أغنية سلام الله غناء ام كلثوم

كلمات أغنية سلام الله لأم كلثوم

كلمات: بيرم التونسي  ألحان: زكريا أحمد   الموزع الموسيقى: زكريا أحمد سلام الله على الحاضرين …

تعليقات