الرئيسية / كلمات أغاني / كلام الست / أغنية إحنا إحنا وحدنا لأم كلثوم

أغنية إحنا إحنا وحدنا لأم كلثوم

كلمات: أحمد رامي 

ألحان: محمد القصبجي 

إحنا إحنا وحدنا
إيه اللي يمحي رأينا
ادخلوا لنا من هنا
نطلع إحنا من هنا
انت وأنا

فرقوا بين الأحبه
يا قساوة قلبهم
يحسبوا شرع المحبه
يمشي زي شرعهم
الفقير له الفقيره
والغنيه للغني
غلطانين
غلطانين ده العز كله
يسكن القلب الهني
إحنا إحنا وحدنا
اللي عاجبين بعضنا
إحنا إحنا وحدنا
اللي يمشي حكمنا
واللي يمشي رأينا
انت وأنا

لو شافوك انت بعنيا
ولا شافوني بعنيك
مايجيبوش ذنبك عليا
ولا ذنبي عليك
إحنا إحنا وحدنا
اللي عاجبين بعضنا
إحنا إحنا وحدنا
اللي يمشي حكمنا
واللي يمشي رأينا
انت وأنا

يالا ننعم بالسرور
يالا يالا
يالا نقطف الزهور
يالا يالا
يالا نطلع في الهوى
نفرد الدنيا سوا
يالا ننعم بالمسره
ده الفؤاد صادف هواه
والحياه لو تبقى مره
تحلى بالحب الحياه
هو هو حبنا
اللي جمع شكلنا
إحنا إحنا وحدنا
اللي يمشي حكمنا
واللي يمشي رأينا
انت وأنا

اترك تعليقاً